Aktori i njohur Bruno Shllaku është shtruar në spital pasi ka pësuar hemorragji cerebrale. Shllaku ndodhet në reanimacion në QSUT, dhe po mbahet nën kontrollin e mjekëve.
Gjithashtu mësohet se gjendja e tij nuk është e rënduar edhe pse nuk dihen deri më tani detaje të tjera mbi shkaqet e hemorragjisë cerebrale apo nëse aktori ka vuajtur apo vuan sëmundje të tjera.
Shllaku ka luajtur dhjetëra role në kinematografike shqiptare dhe në skenën e teatrit. Ndërsa së fundmi aktori u shfaq edhe në filmin “I love Tropoja”, të Ermal Mamaqit.
