Fundi i korrikut është afati tjetër për të përmbyllur Reformën Zgjedhore për të shkuar në zgjedhjet parlamentare me një Kod Elektoral të ri. Pavarësisht se mbeten tre javë kohë, sërish palët janë larg një dakordësie të mundshme.
Pas përfundimit të afatit të Reformës Zgjedhore, e cila ishte parashikuar që të mbyllej në fund të qershorit, Partia Socialsite i ka dhënë kohë opozitës që në këto ditë të nxehta vere të mblidhen për ta përmbyllur atë deri në fund të muajit korrik. Papërgjegjshmëria politike për të finalizuar një projekt të nisur, i cili kërkon të respektohen afatet për të qenë në kohën e duhur KQZ për të ndjekur gjithë procedurat për mbajtjen e zgjedhjeve, duket se do e dështojë këtë reformë. Damian Gjiknuri nga Kuvendi sfidoi opozitën për t’u ulur këto ditë të nxehta në negociata për Reformën Zgjedhore. Sipas tij, koha është ngushtuar, ndaj tregoi se brenda korrikut mazhoranca do tentojë të miratojë ndryshimet për të adresuar votën e emigrantëve dhe përllogaritjen e herësit në ndarjen e mandateve. “Themeli i asaj që po ndërmarrim, dhe ne duhet të punojmë deri në fund të Korrikut për të gjetur kompromis dhe mos mendoni se ka datë tjetër. Po nuk arritëm të bëjmë ndryshime deri në fund të Korrikut ne do shkojmë me këtë kod, nuk do ketë votë diaspore dhe do ketë një interpretim nga KQZ për herësin ta bëjë zero”, tha Gjiknuri. Partia Socialsite nulk ka shaqur aspak interes për kërkesat e bëra nga Partia Demokratike për votimin e Diasporës, ndaj duket se shtesa e afateve është tjesht një lojë e përdorur për të mos e parkuar “papërgjegjshmërinë” në derën e tyre. Pavarësisht kërcënimeve të mazhorancës, Oerd Bylykbashi, përfaqësuesi i opozitës për zgjedhoren kërkoi edhe njëherë reflektim dhe rikthim tek marrëveshja e 5 qershorit, që sipas tij është baza ku duhet të nisin negociatat. Por Gjiknuri këmbënguli se nuk do ketë negociata për këtë çështje. “Ne kërkojmë që të ruhet ajo që është rënë dakord në 5 qershor. Zgjedhësit të kenë të kenë të drejtën e listës së hapur të partive. Të zgjedhin partinë që duan. Por Edi Rama ka frikë se është vetëm nëse kjo ndodh, por edhe se kjo sjell rotacionin”, tha Bylykbashi. “Kush të dojë le të vijë të negociojë deri në ditën e fundit, me qëllim që në seancën e fundit të kemi një votim për të ndryshuar Kodin Zgjedhor, vetëm për këto dy pika, që na detyron kushtetuesja. Çdo retorike tjetër jo s’duan votën e diasporës, jo s’do mazhoranca është e adresuar”, shtoi Gjiknuri. Nga ana tjetër Bylykbashi theksoi se nuk është opozita bllokuesja e Reformës Zgjedhore. “Opozita po kërkon rregulla të forta dhe të ndershme, për zgjedhje të ndershme. Duke filluar nga koalicionet, vota e diasporës, formula që përkthen votat në mandate të jetë e drejtë”, shtoi deputeti i PD. Deputeti demokrat shtoi se Kodi Zgjedhor duhet të reformohet edhe sa i përket depolitizimit të administratës. Dy ditë pasi u kthyen nga takimi që u mbajt me Dasporën në Athinë, socialisti Damian Gjiknuri pohoi se ka paraqitur propozime konkrete në grupin e dialogut me opozitën, për t’i dhënë jetë votës së diasporës, por u kursye në detaje me mediat. Demokrati Oerd Bylykbashi nuk e mendon të sinqertë propozimin e socialistëve. Sipas tij, mazhoranca ka një plan të detajuar për të kontrolluar edhe votën e shqiptarëve që jetojnë jashtë vendit.
Tabaku: Diaspora duhet të votojë
Gjatë seancës parlamentare mbi raportin e KQZ deputetja e PD, Jorida Tabaku, mbajti një qëndrim publik në lidhje me votën e diasporës duke i kërkuar Komisionit të Reformës Zgjedhore që të ofrojë mundësinë diasporës për të votuar. Ajo i kujtoi deputetit socialist Gjiknuri që asnjë nga deputetët socialistë nuk morri përsipër votën e diasporës ndërkohë që ishin deputetët demokratë që kërkuan votën e tyre përmes një propozimi ligjor “Kemi mbi dy vite që kemi nisur një debat përsa i përket votës së diasporës. Nëse nuk bie dakord me asnjë fjalë me ato çfarë tha z. Gjiknuri, e vetmja fjalë që biem dakord besoj të gjithë është “që nuk ka asnjë palë të interesuar si opozita përsa i përket votës së diasporës”. Opozita është e interesuara e parë dhe për këtë arsyje në emër të opozitës, nisëm një diskutim edhe me iniciativë të KQZ-së, me grupe të ndryshme të diasporës, me të rinjë që kanë emigruar, por njëkohësisht dhe me aktivistë të cilët sot një propozim në parlament që mbeti jetim. PS-ja nuk mori përsipër ta çontë përpara si iniciativë ligjore” u shpreh Tabaku ndërsa i kujtonte mazhorancës socialiste se nuk kanë pasur dhe nuk kanë qëllim votën e diasporës. “Është fatkeqësi që ne votën e diasporës e trajtojmë si mall politik!” vijoi më tej deputetja demokrate ndërsa solli në pah shifrat e INSTAT dhe se si ato tregojnë domsdoshmërinë e një reforme reale zgjedhore që duhet ta ndërmarrë këto shifra. Në fund të fjalës deputetja Tabaku i kujtoi mazhorancës socialiste se në të vërtett dosjet e Dibrës dhe Durrësit për zgjedhjet e rikthyen pikëpyetjen e madhe edhe në raportet e BE për Shqipërinë. Ajo i kujtoi socialistëve se në degën 3 ku ajo ka qenë në garë në zgjedhjet e 2021 iu desh të përballej ndër të tjera edhe me Mariglen Qaton që sot akuzohet për korrupsion dhe fshehje pasurie”, tha ajo.
