Së bashku me djalin e tij Matias Corvinus, Huniadi konsiderohet një hero kombëtar hungarez dhe vlerësohet si mbrojtësi i tij kundër kërcënimit osman.
Në 4 korrik të vitit 1456 filloi Rrethimi i Beogradit. Pas rënies së Kostandinopojës në vitin 1453, Sulltan Mehmeti II mblodhi ushtrinë për të nënshtruar Mbretërinë e Hungarisë. Objektivi i tij ishte marrja e kështjellës së Beogradit (pranë kufirit me Hungarinë).
Janosh Huniadi, në shërbim të mbretit hungarez dhe shef i tij ushtarak, i cili kishte luftuar shumë beteja kundër osmanëve në dy dekadat e mëparshme, përgatiti mbrojtjen e kështjellës.
Janko Hunjadi ishte një figurë kryesore ushtarake dhe politike në Evropën Qendrore dhe Juglindore gjatë shekullit 15-të. Sipas shumicës së burimeve bashkëkohore, ai ishte anëtar i një familjeje fisnike me prejardhje Vllahe. Ai i zotëroi aftësitë e tij ushtarake në vendet kufitare jugore të Mbretërisë së Hungarisë që ishin të ekspozuara ndaj sulmeve osmane. I emëruar vojvod i Transilvanisë dhe kryetar i një numri qarqesh jugore, ai mori përgjegjësinë për mbrojtjen e kufijve në 1441.
Janosh Huniadi ishte komandant legjendar i Hungarisë kundër turqive. Ai ishte rregjent, drejtoi shtetin hungarez, ishte një nga komandantët më të mëdhenjë të Mbretërisë të Hungarisë mesjetare. Emri i tij është i lidhur edhe me triumfin në Beograd në vitin 1456 kundër Perandorisë Osmane.
Triumfi i Beogradit i përket luftërave hungareze-turke, e njohur në histori si një ngjarje e rëndësishme dhe e bujshme që zgjati prej 4 deri 21 korrik të vitit 1456 për mbrojten heroike të Kalasë II të Beogradit. Në krye të ekspeditës ushtarake ndëshkuese erdhi Sulltan Mehmeti me një numër mbi dhjetë fishin e ushtrisë hungareze në rrethimin e kështjellës. Rrethimi u shkallëzua në një betejë të madhe, në të cilën Huniadi ndërmorri një kundërsulm të papritur dhe e rrënoi kampin osman, duke e detyruar sulltan e plagosur për të hequr rrethimin. Beteja pati pasoja të rëndësishme, pasi stabilizoi kufijtë jugorë të Mbretërisë së Hungarisë për më shumë se gjysmë shekulli duke vonuar zgjerimin e Perandorisë Osmane.
Kalendar
5 korrik 328 – Hapet zyrtarisht Ura e Konstandinit e ndërtuar mbi Danub midis Korabit, Rumani dhe Gigen, Bullgari, nga arkitekti romak Theophilus Patricius. Me një gjatësi prej 2437 metrash, Ura e Konstandinit është konsideruar si ura e lashtë më e gjatë në botë.
5 korrik 1687 – Isak Njuton botoi “Philosophiæ Naturalis Principia Mathematica” (Parimet Matematike të Filozofisë Natyrore).
5 korrik 5 korrik 1811 – Është dita e pavarësisë së Venezuelës. Simon Bolivari shpalli pavarësinë e Venezuelës nga Spanja.
5 korrik 1958 – Karol Wojtyla, që më vonë do të bëhej Papa Gjon Pali i Dytë, u caktua peshkop ndihmës në Krakow, në vendlindjen e tij, Poloni.
5 korrik 1960 – Ylli i 50-të iu shtua flamurit amerikan për ta përfaqësuar shtetin e ri, Hawain.
5 korrik 1996 – Lindi delja e quajtur Dolly, delja e parë i klonuar me sukses nga njeriu. Shkencëtarët skocezë të Institutit Roslin në Edinburg e prodhuan atë me kontributin e tre deleve nëna. Shkenca e paraqiti delen Dolly si arritjen të vitit. Ajo polli 6 qengja dhe ngordhi në vitin 2003.