Komisioni Qendror Zgjedhor ka shpallur të pavlefshëm mandatin e fituar nga Fredi Belieri në 14 Maj 2023. Qeveria i ka kërkuar Presidentit të shpall datën e zgjedhjeve. Begaj ka dekretuar datën 4 Gusht për mbajtjen e zgjedhjet e parakohshme në Himarë. Ndërsa Athina zytare kërkon që në 16 Korrik, Beleri të marrë pjesë në takimin në Strasburg.
Komisioni Qendror Zgjedhor e shpalli të pavlefshëm mandatin e fituar nga Fredi Belerin me 14 maj 2023. I pranishëm dje në seancën që u mbajt në KQZ, me kërkesën e tij, u paraqit dhe Fredi Beleri i shoqëruar me kryetarin e tij, Vangjel Dule. Ky i fundit tha se kjo mbledhje është përmbyllja e një procesi politik të nisur më 6 maj 2023 për uzurpimin e Himarës. Dule akuzoi Ramën se është iniciuesi i këtij procesi dhe se tani kërkon të fshehë fytyrën dhe të vendosë vulën e KQZ. Në tryzën e e KQZ-së u diskutua nëse mandati i i tij duhej zgjidhur përmes ligjit të dekriminalizimit apo përmes ligjit të organeve të qeverisjes vendore. Avokatja e Fredi Belerit tha se mungon shkaku juridik për t’u vënë në lëvizje dhe për të diskutuar mbi mandatin e Belerit. Eridian Salianji, përfaqësuesi i Partisë Socialiste në KQZ, tha se përsa kohë kemi një vendim të Apelit të formës së prerë, bazuar edhe te ligji i dekriminalizimit, Fredi Beleri nuk mund të ushtrojë funksionet publike. Ndrësa përfaqësuesi i Partisë Demokratike në mbledhjen e KQZ, tha se ka një konfuzion lidhur me ligjin për dekriminalizimin dhe atij të organeve të qeverisjes vendore: “Fredi Beleri është subjekt i ligjit për dekriminalizimin. Fredi Beleri ka një mandat të dhënë nga KQZ, ka një mandat që njihet nga Gjykata, por nuk ka mundur ta ushtrojë për shkak të kokëfortësisë së institucioneve të tjera, përfshi edhe Kryeministrit. Beleri është një person i zgjedhur, nuk ka ushtruar mandatin, është i dënuar, por nuk aplikohet ligji për dekriminalizimin, por ai për qeverisjen vendore. Pra, në rastin konkret duhet që Qeveria ta shkarkojë Fredi Belerin dhe mos e trajtojë si “patate të nxehtë” çështjen. Edi Rama të marrë përgjegjësinë, të thotë se Fredi Beleri është dënuar me vendim të formës së prerë dhe ta shkarkojë”. Ilirjan Celibashi tha në fund: “Nuk kemi pse të fshehim gjithë ngarkesën që mban kjo çështje, është një çështje që ka atë rëndësi që ka, në fund ngelet ajo që sa në përputhje me ligjin është kjo vendimmarrje. KQZ është plotësisht kompetente për ta zhvilluar këtë proces administrativ, kjo na imponohet nga ligji”. Avokatja mbrojtëse Belerit thonte se nuk është kompetencë e KQZ që të verifikojë mandatin e Belerit në kushtet kur ai është zgjedhur. Por, Celibashi iu përgjigj qartë që kjo është një kompetencë që i takon KQZ në bazë të ligjit për dekriminalzimin dhe më pas shpalli pavlefshmërinë e mandatit. “Nuk është çështja e KQZ ca bëjnë institucionet e tjera, qeveria, kryeministri. Është përgjegjësia e tyre. Vendimmarrja e KQZ nuk është e kondicionuar nga se çfarë bëjnë institucionet e tjera, vendimmarrja e KQZ përcaktohet në këtë rast nga ligji për dekriminalzimin. Kemi një kryetar bashkie të zgjedhur që nuk e ka ushtruar detyrën. Për KQZ, kjo s’ka rëndësi në kuptim të ligjit. Mund të ishte edhe në kushtet kur ushtronte detyrën. Kur verifikohet që ka kryer një vepër penale a e ka kompetencën KQZ për ta zhvlerësuar këtë mandat? Po, e ka të drejtë dhe këtij ligji i nënshtrohen më shumë akoma ata të cilët e kanë marrë ata detyrë. Ty ligji të ndalon të mos kandidosh në disa kushte dhe ta ushtrosh kur verifikohen kushtet e ndalimit. Jemi në kushtet e humbjes së mandatit të kryetarit të Bashkisë Himarë, Fredi Beleri dhe e shpallim të pavlefshëm këtë mandat”, tha ajo. Fredi Beleri ka 30 ditë kohë që të ankimojë vendimin e marrë nga KQZ në KAS. Kreu i PBDNJ-së, Vangjel Dule ka paralajmëruar avokatët e tij do të ndjekin çdo procedurë për ta vijuar më tej betejën ligjore.
Rizgjedhje më 4 Gusht, regon Bardhi
Nuk kaluan shumë orë, kur qeveria në fillim dhe Presidenca reaguan pas vendimit të komisionit Qendror Zgjedhor për shpalljen e pavlefshëm të mandatit të marrë nga Fredi Beleri në Himarë më 14 maj 2023. Si fillim Qeveria i ka këkruar Presidentit të Republikës që të dekretojë datën e zgjedhjeve, ndërsa Presidenca në një kohë të shpejtë ka dekretuar 4 Gushtin si datën e mbajtjes së zgjedhjeve të parakohshme në Himarë. Kreu i Grupit Parlamentar të PD-së Gazment Bardhi ka reaguar menjëherë pasi presidenti Begaj dekretoi 4 gushtin për mbajtjen e zgjedhjeve në Bashkinë e Himarës. Në reagimin e ti, Bardhi shprehet se presidenti ka dekretuar zgjedhjet pa asnjë konsultë. Sipas tij, data e zgjedhjeve në Himarë ishte një teatër mes kryeministrit Edi Rama dhe gjeneralit të kthyer në ushtar, duke nënkuptuar presidentin Begaj. “Çfarë turpi për Pesidentin e Republikës që shkel hapur Kushtetutën dhe ligjin duke dekretuar zgjedhje pa një vendim të ekzekutueshëm ende për pavlefshmëri të mandatit të kryebashkiakut të zgjedhur të Himarës. Teatri i sotëm i koordinuar mes Edi Ramës dhe një gjenerali të bërë ushtar, është një atentat ndaj shtetit ligjor, që tregon asgjesimin politik të institucionit të Presidentit të Republikës. Vendimi i sotëm (i djeshëm)i KQZ nuk është ende i ekzekutueshëm pa kaluar afati i ankimit. Presidenti i Republikës Bajram Begaj gabon rëndë kur mendon se problemet e tij të integritetit në detyrat shtetërore pararendëse do i tejkalojë duke u sjell si vartës i rëndom i Edi Ramës”, thuhet në reagimin e Bardhit.
Reagon Athina zyrtare
Lidhur me vendimin e djeshëm të KQZ për heqjen e mandatit të Fredi Beleri si kryebashkiak i zgjedhur i Himarës, ka reaguar edhe Ministria e Jashtme e Greqisë, duke kërkuar që në 16 korrik Beleri të marr pjesë në takmin në Strasburg. Në një komunikatë zyrtare për shtyp, ministria e Punëve të Jashtme greke shpreh shqetësimin e saj për këtë vendim, që nuk e lejon Belerin të jetë kryebashkiak i Himarës, ndërsa nga ana tjetër kërkon që Beleri të lejohet të jetë pjesë e seancës së parë plenare në Parlamentin Europian. “Vendimi i Komisionit Qendror të Zgjedhjeve të Shqipërisë për të skualifikuar Fredi Belerin pa u bërë as edhe betimi i kryebashkiakut të Himarës është një praktikë e re dhe përfundimi i parashikuar i një procesi me shumë pikëpyetje në lidhje me parimet themelore të shtetit ligjor”, thuhet në njoftimin e zyrës së shtypit të Ministrisë së Jashtme greke. Po ashtu në deklaratë theksohet se Greqia kishte shprehur me kohë shqetësimin e saj të fortë për heqjen e prezumimit të pafajësisë, integritetin e procesit të provës, ndalimin e sharjes dhe dënimin shpërpjestimor të vendosur, si dhe faktin që Bashkia e Himarës qeveriset prej një viti nga persona të paautorizuar. Ministria e Punëve të Jashtme rithekson detyrimin e autoriteteve shqiptare për të marrë të gjitha masat e nevojshme për t’i mundësuar menjëherë z. Beleri, tashmë deputet i zgjedhur në Parlamentin Europian, të marrë pjesë në punën e tij, duke filluar nga Seanca e parë plenare më 16 korrik në Strasburg.
