Ekspertiza që u dërgua në Itali nga prokuroria për vogëlushin 3-vjeçar Brian Spahiu, është kthyer mbrapsht nga autoritetet fqinje. Në dokumentacionet e dërguara u vu re se ishin të paplota, pasi organi i akuzës ka dërguar në letër porosi vetëm letrat dhe jo monstrat e plota.
Edhe pse familjarët e 3- vjeçarit kanë refuzuar që ekspertiza mjeko-ligjore të ribëhet në Itali, Prokuroria e Tiranës ka dërguar letër porosi tek autoritetet italiane për të gjetur shkakun e vdekjes.
Ekspertiza mjekoligjore që u bë nga IML rezultoi se shkak për vdekjen fatale të 3 vjeçarit u bë anestezia, e vendosur në klinikën dentare të mjekut Roland Xhaxho. Por, prokuroria e Tiranës kërkoi të bëhej ekspertiza mjekoligjore në Itali, pasi sipas organit të akuzës akti i parë i ekspertizës ishte i paplotë, konkluzioni ishte i pasaktë dhe se mungonin ekspertët e fushës për të dhënë përgjigje për të gjitha pyetjet. S.B
