Në Tiranë, deputetët e Partisë Demokratike protestuan me forcë duke nxjerrë karriget e tyre jashtë sallës së Kuvendit dhe duke u vënë zjarrin, në shenjë kundërshtimi ndaj burgosjes së deputetit Ervin Salianji.
Ata shprehën pakënaqësinë e tyre për shumë akte arbitrare të shumicës ndaj opozitës dhe lirive demokratike në vend.
Protesta filloi me bllokimin e foltores dhe hedhjen e sendeve drejt kryetares së Kuvendit, Elisa Spiropali, në momentin kur ajo njoftoi vakancën e krijuar pas dënimit të Salianjit me një vit burg nga Gjykata e Apelit.
Vendimi erdhi pas një çështjeje për kallëzim të rremë lidhur me një skandal të trafikut të drogës, ku u zbulua se bisedat ishin inskenuar.
Spiropali theksoi se do t’i njoftohet Komisionit Qendror të Zgjedhjeve për vakancën e krijuar dhe theksoi se salla plenare nuk ka asnjë lidhje me vendimet e gjykatave.
Ndërsa shumica socialiste refuzoi të komentojë vendimet gjyqësore, duke i hedhur poshtë akuzat për kapjen e drejtësisë.
Opozita ka planifikuar një protestë të re përkrahësish një javë më vonë para Kryeministrisë, duke theksuar se do të vazhdojë të kërkojë llogari për veprimet e qeverisë./VOA/ S.M