Duka i Sussex lançoi përmes një videoje një ide të re, ose më saktë një metodë të re për shëndetin mendor, që më shumë se kujtdo, do ti hyjë në punë ushtarakëve. Ish ushtari 35 vjeçar, princi Harry tha se ka gjetur mënyrën e duhur për tu qetësuar, për të qënë gjithnjë në humor me veten dhe të tjerët si dhe për të patur gjithnjë vetëbesim.
Përmes klipit të shpërndarë online, nipi i Mbretëreshës Elizabetë, që aktualisht jeton në Los Angelos pasi hoqi dorë nga titulli mbretëror, thotë se çdokush, kryesisht ushtarët, duhet ta stërvisin trupin dhe mendjen e tyre si një gjë të vetme. Teksa ka folur për projektin, për të cilin ka punuar 3 vitet e fundit, Harry shprehet: “Qetesinë dhe vetëkontrollin mund ta arrijmë vetëm nqs stërvisim çdo ditë trurin dhe trupin si një të vetme. Më besoni se mund tja dilni, unë e kam provuar vetë “. Projekti i plotë pritet të publikohet në muajin qershor por pritet që këshillat e tij në këtë kohë pandemie, ti vijnë në ndihmë shumë njerzve që janë në sfidë me veten.
“Sot kur flasim për stërvitje, duhet të mendojmë jo vetëm sesa forcë kemi apo sa shpejt vrapojmë. Fuqi është edhe kur flasim për shëndetin mendor, forcën dhe aftësinë për të mbijetuar, jo vetëm kur kemi uniformën veshur por përgjatë gjithe jetës” thotë princi Harry./Burimi: Daily Mail Përshtati: Fjala.al
