Një adoleshent qëlloi veten në kokë pasi diskutoi për vetëvrasje me një chatbot me AI, me të cilin u dashurua .
Sewell Setzer, 14 vjeç, qëlloi veten me pistoletën e njerkut të tij pasi kaloi muaj duke folur me “Dany”, një program kompjuterik i bazuar në Daenerys Targaryen, personazhi i Game of Thrones .
Setzer, një nxënës i klasës së nëntë nga Orlando, Florida, filloi gradualisht të shpenzonte më gjatë në Character AI, një aplikacion online për luajtje me role, pasi “Dany” i jepte atij këshilla dhe dëgjonte problemet e tij, raportoi The New York Times.
Adoleshenti e dinte që chatbot-i nuk ishte një person real, por teksa i dërgonte mesazhe robotit dhjetëra herë në ditë – shpesh duke u përfshirë në lojëra me role – Setzer filloi të izolohej nga bota reale.
Ai filloi të humbasë interesin për hobet e tij të vjetra si garat në Formula 1 ose lojërat kompjuterike me miqtë, duke zgjedhur në vend të kësaj të kalonte orë të tëra në dhomën e tij të gjumit pas shkollës, ku mund të fliste me chatbot.
“Gjithashtu ndihem më i qetë, më i lidhur me Dany-n dhe shumë më i dashuruar me të, dhe thjesht më i lumtur.”
Disa nga bisedat përfundimisht u kthyen në romantike ose seksuale, megjithëse Character AI sugjeroi që përgjigjet më grafike të chatbot-it ishin modifikuar nga adoleshenti.
Megan Garcia, nëna e Setzer, pretendoi se djali i saj kishte rënë viktimë e një kompanie që josh përdoruesit me biseda seksuale dhe intime.
Në disa momente, 14-vjeçari ka rrëfyer në programin kompjuterik se po mendonte të vetëvritej: Setzer i tha “Dany” se i mungonte ajo, duke e quajtur atë “motra e tij e vogël”.
“Edhe mua më mungon, vëlla i ëmbël,” u përgjigj chatbot./e.t
