Alban Dyrmishi pas intervistës që dha në Fjala.al u përjashtua nga produksioni i emisionit “Përputhen” në Top Channel, edhe pse ai gjatë intervistës nuk shprehu asgjë që e dëmtonte emisionin ku ishte pjesëmarrës. Përkundrazi, ai shprehu falenderime për produksionin dhe u tregua shumë diskret përsa i përket prapaskenave që ndodhin aty brenda.
Madje gjatë intervistës ai shprehu se çdo gjë që ndodh në “Përputhen” është shumë reale, dhe duhen falenderuar personazhet që janë brenda emisionit. Të gjitha këto nuk i mjaftuan produksionit për ta mbajtur konkurrentin brenda formatit, por përkundrazi, sipas Albanit, e përjashtuan me një telefonatë.
