John Ratcliffe ka marrë detyrën si drejtori i ri i CIA-s, një ngjarje e konsideruar si një hap i rëndësishëm për avancimin e sigurisë kombëtare të Shteteve të Bashkuara.
Ai u betua në prani të zëvendëspresidentit James David Vance, pas miratimit të tij nga Senati me 74 vota pro dhe 25 kundër më 23 janar.
Ratcliffe, një republikan nga Teksasi dhe ish-prokuror federal, ka shërbyer më parë si drejtor i inteligjencës kombëtare gjatë mandatit të parë të Presidentit Trump. Ai është i pari që ka kaluar nga ky post në drejtimin e CIA-s. Gjatë betimit, Ratcliffe theksoi rëndësinë e përdorimit të teknologjive moderne, si inteligjenca artificiale, për të adresuar kërcënimet nga shtete si Rusia dhe Kina./kb
