Një operacion me disa të arrestuar është finalizuar sot në mbrëmje në Tiranë. Këta persona dërgonin njerëz ne Kanada dhe Amerikë më viza false.
Mësohet se janë proceduar 26 persona nga ku 16 janë arrestuar me kërkesë të Spak, 8 janë në detyrim paraqitje dhe 2 persona hetohen në gjendje të lirë.
Arrestimi i këtyre personave erdhi pas një hetimi të nisur që prej vitit 2018 në bashkëpunim me zyrën e hetimit në ambasadën e SHBA duke u finalizuar këtë të hënë. Këta persona në bashkëpunim me njëri tjetrin kanë falsifikuar dokumente dhe viza duke dërguar dhjetëra personave në SHBA.
Kanë qenë 3 korridore që personat përdornin për kalimin e klandestinëve në SHBA. I pari Shqipëri-Gjermani-R.
Domenikane dhe mandej në Meksikë e duke u futur në SHBA, i dyti nga Shqipëri-Bullgari-Francë-Republika Domenikane dhe më pas në SHBA dhe e treta Shqipëri-Francë-Londër-R.Domenikane dhe SHBA.
Lidhur me këtë megaoperacion ditën e nesërme pritet të ketë një konferencë të përbashkët nga policia dhe prokuroria SPAK për rezultatet e këtij operacioni me ndërkombëtarët.
