Serie A ka hartuar udhëzimet në funksion të një rikuperimi gjithnjë e më të mundshëm të kampionatit pas mesit të Qershorit në një nga vendet më të prekura nga pandemia. Në një kohë që në Itali është ulur numri i viktimave nga Covid-19, po finalizohet përpjekja për spektakël në futboll, edhe pse pa tifozë. Që nga stadiumi, në dhomat e zhveshjes, duke kaluar në intervistat para dhe pas përballjeve, dhe kërkesat higjeno-shëndetësore.
Një maksimum prej 300 personash do të pranohen në impiantet italiane, pa kontakt me gjyqtarët para fillimit dhe gjatë ndeshjes, do të ndalohen lojtarët të protestojnë dhe të afrohen më shumë se 1.5 metra.(fjala.al). Ndalohen sipas FIGC, shtrëngimet e duarve…lamtumirë edhe maskotave zyrtare, edhe nëse kjo nënkupton finalet.
Stadiumi sipas autoriteteve do jetë i ndarë në tre zona: Zona teknike, stenda, zona e jashtme e stadiumit. Makimumi 300 persona në total dhe maksimumi 100 pnjerëz në çdo tribunë.
Mbërritja e ekipeve me autobusë dhe mjete të ndryshme transporti do ketë rritjen e distancës së sigurisë. Ekipet dhe gjyqtarët do të zbarkojnë në facilitate, në periudha të ndryshme. Për ekipin vendas rekomandohet ardhja e lojtarëve me makinat e tyre përkatëse. Nuk do ketë shkëmbime dhuratash, apo fëmijë që shoqërojnë lojtarët, ndërsa në intervistat në mes pjesëve dhe në fund, do ketë distancë sigurie me kordon në Serie A. Zona mikes do të mbetet e mbyllur. Konferenca për shtyp e modelit të Formula 1: Pyetje përmes Skype-Whatsapp.
