Heqja e masave kufizuese për automjetet ka rikthyer trafikun e rënduar në Tiranë. Rrugët kryesore të kryeqytetit kanë qenë pothuajse të gjitha bllokuara, me makina që qëndronin në radhë me kilometra.
Edhe kjo foto që publikohet në Fjala.al tregon trafikun e rënduar në zonën e Unazës së Re. Njëri krah i rrugës është totalisht i bllokuar dhe lëvizja e avashtë e makinave është kaotike.
Reshjet e shiut në mëngjes kanë ndikuar në shtimin e trafikut, ndërkohë që mbajtja mbyllur e transportit urban ka sjellë rritje të përdorimit të makinave këtë të hënë.
