Çdokush mund të tregojë si e kaluar karantinën. Çfarë ka ngrënë dhe cfarë ka lexuar. Si e ka shtyrë kohën dhe si e ka përjetuar frikën e pandemisë. Por për Mustafa Nanon kjo nuk ishte periudhë mërzie. Në emisionin HARD TALK NGA ROLAND QAFOKU për Grupin Mediatik “FJALA”, Mustafa Nano tha se gjatë karantinës ka punuar në shkrimin e një libri.
-Ju vetë si e kaluat pandeminë?
-Unë do isha gjithsesi në karantinë sepse jam duke u marrë me një libër. Nuk e kam vuajtur.
-Për çfarë bëhet fjalë në libër?
-Është një roman. Roman me konotacion historik, por nuk po them më shumë se kaq.
-Vetëm periudhën të paktën…
-Është Kongresi i Manastirit. Qyteti është Manastiri, viti 1908 në periudhën që bahet Kongresi i Manastirit. Por kongresi është si sfond i fabulës së romanit. Manastiri është qytet multi-etnik. Ka të huaj. Ka dhe shqiptarë, janë të gjitha etnitë e mundshme, ka qenë si Babeli./Fjala.al/k.b
https://www.youtube.com/watch?v=jWy8cZMjw2A
