Ka pasur një rritje të ndjeshme numri i rasteve ditore me koronavirus në Kosovë. Për 24 orët e fundit janë konfirmuar nga IShPK, 19 raste të reja me COVID-19 nga 253 teste të realizuara.
Rastet e reja pozitive janë raste kontakti nga komuna e Vushtrrisë 14 raste, komuna e Fushë Kosovës 1 rast, Komuna e Obiliqit 1 rast, komuna e Podujevës 1 rast, komuna e Kamenicës 1 rast dhe 1 rast me vendbanim në Mitrovicë.
Në total numri i të infektuarve me koronavirus në Kosovë ka arritur në 1142 persona.
Gjatë 24 orëve të fundit betejën me COVID-19 e kanë fituar dhe 24 pacientë të tjerë, duke e çuar në 871 numrin total të të shëruarëve.
Gjithësej në Kosovë janë regjistruar dhe 30 viktima nga COVID-19, të cilët kanë pasur sëmundje të tjera shoqëruese./E.B./Fjala.al
