Në përfundim të mbledhjes së Kryesisë, Lulzim Basha ka deklaruar për mediat se opozita do të fokusohet te ringritja ekonomike.
Kreu i demokratëve u shpreh i bindur nga selia blu se opozita do t’i fitojë këto zgjedhje dhe do iu kthejë ekonominë shqiptarëve.
Më tej, Basha shtoi se PD dhe opozita e bashkuar do paraqesin platformën ekonomike në gjithë Shqipërinë.
“Sfida më e madhe e çdo familje, e çdo shqiptari, është kriza ekonomike. Kjo krizë nuk mund të zgjidhet nga ta që zhvatën Shqipërinë. Ndaj e gjithë vëmendja jonë është tek e ardhmja. Ndaj PD dhe opozita e bashkuar janë të vendosur të paraqesin platformën ekonomike kudo në Shqipëri. Ne do t’i fitojmë zgjedhjet, do të kemi në fokus ringritjen ekonomike. Ky do të jetë përqendrimi i gjithë energjive tona. Do përqendrojmë gjithë energjinë tonë te fitorja e zgjedhjeve të ardhshme dhe zgjidhja e krizës së rëndë ekonomike, duke iu ofruar planin tonë shqiptarëve, për t’u kthyer ekonominë atyre”, tha Basha./Fjala.al/k.b
