Ministrat Blendi Klosi dhe Elva Margariti kanë vijuar turin me operatorët turistikë në mbarë vendin.
Këtë herë ata kanë ndaluar në parkun Arkeologjik të Apolonisë, nga ku kanë folur për ndikimin e pandemisë në turizëm dhe si mund të garantohet mbrojtje.
Situata e krijuar nga pandemia e koronavirusit kërkon rregulla, masa dhe shërbime të reja tha ministri Klosi, teksa e cilësoi si të vështirë këtë sezon, i cili mund të lehtësohet vetëm falë masave që duhet të merren.
“Do të jetë një biznes i vështirë në vitin 2020, por në qoftë se ne ia dalim që të ofrojnë rregulla në plazh, të garantojmë higjienë, të garantojmë mbrojtje nga pandemia mund t’ia dalim që përsëri të krijojmë një sezon të pranueshëm edhe në 2020, paçka se është vetëm një sezon mbijetese dhe për të gjitha këto besoj nën drejtim dhe të prefektit ne do të kemi dhe takime të tjera që do ta menaxhojmë ashtu siç duhet sistemin e garantimit të një sezoni turistik të pastër”, -u shpreh Klosi.
Ndërsa ministrja e Kulturës, Elva Margariti, tha se ministria e drejtuar prej saj kishte marrë të gjitha masat për ofrimin ndryshimeve të çmimeve, që përfshijnë vlera simbolike për vizitorët në parqet arkeologjike dhe muzetë e vendit, duke stimuluar në këtë mënyrë turizmin lokal.
“Dhe ne si Ministri Kulture kemi dalë me oferta të reja që do vihen në vijim edhe të bisedave të bëra me të gjithë së bashku tur operatorët edhe për t’ju gjendur më afër ju sepse mendojmë se ky është momenti më i duhur që t’ju gjendemi pranë, pasi mendojmë fort që ky vit të kemi gjithmonë e më tepër një turizëm lokal e ndoshta do të kemi më pak turistë të huaj, megjithatë dhe në momentin që do të kemi turistë të tjerë të huaj, ne do t’i përgjigjemi me shërbime të reja në sitetet tona. Operatoret turistikë ne te gjithë vendin nuk janë optimist për sezonin turistik të kësaj vere, teksa shpresa e vetme janë turistet vendas”, u shpreh ministrja.k.t/Fjala.al/
