Kryeministri Edi Rama ka firmosur ditën e djeshme emërimin e Albert Nikollës, në postin e zëvendësministrit të Shëndetësisë.
Nikolla bëhet kështu zëvendësministri i tretë i Ministrisë së Shëndetësisë. Dy të tjerët janë Mira Rrakacolli dhe Bardhylka Kospiri.
Kujtojmë se Nikolla ka qenë deri më tani këshilltar i kreut të qeverisë për çështjet sociale dhe ka qenë mjaft aktiv në realizimin e “Paktit për Universitetin”.
“V E N D I M PËR EMËRIM NË DETYRË
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Albert Nikolla emërohet zëvendësministër i Shëndetësisë dhe Mbrojtjes Sociale.
Ky vendim hyn në fuqi menjëherë”, thuhet në vendimin e qeverisë.
l.m/Fjala.al
