Presidenti Ilir Meta mbajti një konferencë të gjatë për shtyp dje, të thirrur për të kritikuar planin e masave të hartuar nga qeveria për përmbushjen e kushteve për integrimin në BE. Ai komentoi edhe qëndrimin që po mban opozita parlamentare në lidhje me marrëveshjen e arritur për reformën zgjedhore.
Sipas kreut të shtetit, grupimi i deputetëve i krijuar në Kuvend pas dorëzimit të mandateve nga opozita është ilegjitim, pasi nuk përputhet me atë që kërkon Kushtetuta për përbërjen e Kuvendit.
Sipas tij, në Shqipëri ka rëndësi legjitimiteti i institucioneve në radhë të parë pasi, sipas tij, Kuvendit ende i mungojnë 18 deputetë.
“Në 2008-n unë dhe disa deputetë bëmë grevë urie që të mos mbylleshin listat se cenuan balancat e kontrollit, por këto janë jo shumë të rëndësishme para vendosjes së legjitimitetit në të gjitha institucionet në vend, nga Kuvendi, që pavarësisht nga zëvendësimet në kundërshtim të paprecedentë te fakti që sot e kësaj dite i mungojnë 18 deputetë në kundërshtim me përcaktimin Kushtetues. Kjo është arsyeja kryesore që detyrohet edhe sekretari amerikan i Shtetit të theksojë rëndësinë e kësaj marrëveshjeje ndërpartiake për të forcuar demokracinë.”- u shpreh Meta.ka.ta/Fjala.al/
