Çmimet BAFTA (British Academy Film Awards) janë shtyrë me 2 muaj, njësoj siç ka ndodhur me çmimet Oskar për 2021-shin. Organizatorët e kanë shtyrë mbrëmjen e ndarjes së çmimeve për kinemanë nga 14 shkurti në 11 prill, në një përpjekje për ta shpëtuar atë, thjesht duke e shtyrë e jo duke e anuluar.
Çmimet BAFTA njoftuan nominimet për filmat më të mirë javën e shkuar. Në një njoftim zyrtar, BAFTA sqaroi:
“Ky ndryshim nga shpallja e datës zyrtare të 14 shkurtit, vjen për shkak të impaktin të pandemisë globale dhe shtyhet për një periudhë dy mujore. Të tjera detaje për ceremoninë do të shpallen më vonë gjatë vitit”, raporton The Sun.
Bashkë me ceremonitë, janë shtyrë për në vjeshtë dhe dimër edhe premierat botërore të filmave. Akademia e çmimeve Oskar 2021, e ka shtyrë ndërkohë mbrëmjen gala të saj nga 28 shkurti për në 25 prill.
ka.ta/Fjala.al/
