Situata e agravuar në vend për shkak të pandemisë ka prekur më së shumti transportin publik. Teksa ministria e transportit njoftoi për hapjen urbanëve në datë 15 qershor, kjo gjë nuk ndodhi.
Shoqata e transportit publik u ngrit në protestë duke thënë se nuk rinisin punën nëse nuk i plotësohen 4 pikat të vendosura prej tyre.
Grupi Mediatik “Fjala” zhvilloi një intervistë me Kryetarin e Shoqatës Kombëtare të Transportit Qytetas, Rixhin Qoshja.
Qosja nënvizoi faktin se shtyrja me një javë e transportit publik nuk është aspak në favorin e shoqatës së transportit. Kryetari Qoshja tregon se kur do te rinis puna.
Intervista e plotë
Gazetarja- Qeveria shtyu me një javë hapjen e transportit publik. A është ky vendim në favorin tuaj?
Qoshja- Ky vendim nuk është në favorin tonë për sa kohë operatorët janë në kolaps ekonomik. Në asnjë vend tjetër transporti publik qëndron ende i mbyllur.
Gazetarja-A do të nisni punën javën tjetër?
Qoshja- Puna nuk rinis nëse qeveria nuk do të plotësoi kërkesat e Unionit të Transportit Publik. Me kushtet aktuale, bazuar edhe në protokollin e sigurisë, transporti publik është në pamundësi financiare për kryer aktivitetin.
Gazetarja- A mund të punoni me 70 % të kapaciteteve. Cilat janë kërkesat tuaja për qeverinë?
Qoshja- Janë 4 pika të cilat i janë nisur qeverisë të cilat do të bëjnë të mundur që ne të rifillojmë aktivitetin. Dje kemi nisur vërejtjet tona mbi protokollin e sigurisë i cili duhet të rishikohet. 1 detaj: përgjegjësia e respektimit të tij e cila duhet të jetë e pasagjerëve dhe jo e operatorit.
Gazetarja- Sa ju ka dëmtuar mbyllja e aktivitetit për tre muaj ?
Qoshja-Transporti publik në Shqipëri gjeneron një humbje mujore rreth 3.000.000 €/muaj
Gazetarja- Si janë trajtuar punonjësit tuaj gjatë kësaj periudhe?
Qoshja- Punonjësit kanë përfituar nga paketa e dytë, 40.000 lekë, por që tashmë duket shumë larg përderisa jemi në gjysmën e Qershorit.
Gazetarja- Kur mund të ktheheni në normalitet?
Qoshja- Për fat të keq nuk mund të parashikohet asgjë momentalisht. Një gjë është e sigurt :transporti publik funksionon në të gjitha vendet, të cilat numrat e infektimeve i kanë shumë më të larta se tonat sepse transporti publik është shtylla kurrizore e një qyteti, është mënyra sesi ne arrijmë në punë, në shkollë, tek miqtë tanë dhe kjo që po ndodh në Shqipëri ka vetëm arsye financiare dhe nuk ka lidhje aspak me COVID-19
Bo.Ba/fjala.al
