Shkak për vdekjen e Nehat Kullës, njohur ndryshe me nofkën “Gjenerali”, ka qenë virusi i ri COVID-19.
Lajmi e ka konfirmuar shefi i Urgjencës Kombëtare, Skënder Brataj në emisionin “Real Story”
“Vdekja e Nehat Kullës nëse e marrim si rast ka qenë për shkak të koronavirusit, po. Ka pasur edhe komplikacione të tjera, por shkak zyrtar për vdekjen e tij ka qenë pikërisht Covid-19.” tha Brataj.
Nehat Kulla vdiq ditën e sotme në moshën 67-vjeçare ndërkohë që pak kohë më parë i ndërroi jetë dhe i vëllai Ramazani për shkak të koronavirusit.
Nehat Kulla kishte vetëm pak kohë që kishte lënë qelinë, pasi u liruar nga burgu me bujë rreth një vit më parë.
“Gjenerali” ishte dënuar me 20 vjet burg për vrasjen me paramendim të shtetasit Halim Gjuzi, ish-shoferi i ish-zv/ministrit të Arsimit, Halit Shamata. Kulla e ka vuajtur dënimin në burgun e Fushë-Krujës, që nga koha kur u arrestua në vitin 2005. Në vitin e mbrapshtë 1997, Nehat Kulla krijoi një “komisariat policie” në zonën e “Kinostudios”./En.Br./Fjala.al
