Komisioni Europian ka shprehur mbështetje për rifillimin e dialogut Kosovë-Serbi.
Presidentja e KE-së Ursula von der Leyen gjatë një takimi me presidentin serb Aleksandër Vuçiç pasi ky i fundit ndodhet në një vizitë zyrtare në Bruksel.
Sipas njoftimit për shtyp të KE-së Vuçiç dhe Ursula von der Leyen u pajtuan për rëndësinë që ka përparimi i Serbisë në reformat e nevojshme për anëtarësimin në Be.
Është thënë gjithashtu, se presidentja e KE-së ka inkurajuar udhëheqjen serbe, që pas zgjedhjeve parlamentare në Serbi, të zhvillojë një dialog të mirëfilltë me të gjitha forcat politike, me qëllim të inicimit të reformave, të cilat kërkojnë një konsensus të gjerë.
Shërbimi për shtyp konfirmoi se Përfaqësuesi i Posaçëm i BE-së për dialogun midis Beogradit dhe Prishtinës, Mirosllav Lajçak, ishte gjithashtu i pranishëm në këtë takim.
Një ditë më parë, kryeministri i Kosovës Avdullah Hoti ishte në Bruksel. Pas takimit me Hotin, presidenti i Këshillit Evropian, Charles Michel, tha se është e nevojshme të vazhdohet dialogu mes Kosovës dhe Serbisë për normalizimin e marrëdhënieve.
Presidenti i Kosovës, Hashim Thaçi, po ashtu ka paralajmëruar mbajtjen e një samiti në Francë, në mes të Kosovës dhe Serbisë, në javën e tretë të korrikut./Fjala.al/Ke.Ba
