Kreu i grupit parlamentar të PS, Taulant Balla ka qenë pjesë në Këshillin Koordinativ në Tiranë për të diskutuar për zgjedhjet e 2021, përfshirjen e të rinjve dhe thellimin e barazisë gjinore.
Balla nënvizoi faktin se PS do i qëndrojë opozitës jo- parlamentare mbi Kodin Zgjedhor dhe do e votojë atë në Kuvend ndërkohë ka kërkuar që mos vijojë me fyerjet për opozitën parlamentare pasi nuk mund të imponojë diskutimet as në Komisione, as në Kuvend.
Gjatë fjalë së tij, Balla tha se listat e hapura ndërkohë nuk janë tabu pasi dihet që shumica e shqiptarëve nuk i duan më listat e hapura, dhe do të ketë një diskutim për ndryshimin e sistemit, por jashtë kësaj marrëveshjeje aktuale.
Postimi i plotë
Duke respektuar një për një masat mbrojtëse anti-covid, vijuam në qarkun Tiranë me Këshillin Koordinativ të Partisë Socialiste me fokus në planin organizativ, në thellimin e barazisë gjinore, përfshirjen e të rinjve dhe në vendosjen e piketave tona strukturore për zgjedhjet e Prill-Majit 2021, ku ne do të marrim besimin për mandatin tonë të tretë qeverisës me kryeministrin Edi Rama.
“Marrëveshja me opozitën jo-parlamentare mbi Kodin Zgjedhor, është një marrëveshje që ka krijuar kushtet pozitive në raport me klimën politike dhe ne do ta votojmë atë në Kuvend.
Marrëveshja është marrëveshje dhe ne do ta respektojmë, duke vlerësuar edhe angazhimin plus mundimin e partnerëve tanë. Partia Socialiste gjithmonë i ka respektuar marrëveshjet, edhe pse kjo ishte një marrëveshje për të mos ndryshuar asgjë nga mënyra e administrimit të zgjedhjeve. Opozita jashtë-parlamentare ndërkohë duhet të heqë dorë nga fyerjet ndaj deputetëve të listave të tyre të mbyllura në Kuvend dhe gjithashtu ta harrojnë se mund t’i imponojnë KUVENDIT se çfarë do diskutohet në seancë, apo në komisione.
Bo.Ba/fjala.al
