Kryetari i Kuvendit Gramoz Ruçi është takuar sot me Ambasadoren e SHBA-së Yuri Kim ku është diksutuar mbi ecurinë e reformës neë drejtësi, të reformës zgjedhore dhe gjithashtu mbi bërjen funksionale sa më shpejt të Gjykatës Kushtetuese dhe asaj të Lartë.
Ruçi është shprehur se Kuvendi është maksimalisht I angazhuar për suksesin e reformës në drejtësi, të reformës zgjedhore dhe gjithashtu për të përmbushur pritshmëritë e shqiptarëve.
Në diskutimet e kësaj paraditeje është folur për ngritjen e Gjykatës Kushtetuese dhe të drejtën që Venecia i dha Metës për të bërë emërimet duke dhënë edhe rekomandimet për vakancat.
NJOFTIMI NGA KUVENDI
Kryetari i Kuvendit, z. Gramoz Ruçi, priti Ambasadoren e ShBA, znj. Yuri Kim
Kryetari i Kuvendit, z. Gramoz Ruçi, priti sot Ambasadoren e ShBA, znj. Yuri Kim. Gjatë takimit u diskutua mbi ecurinë e reformës në drejtësi, të reformës zgjedhore dhe përshpejtimin e plotësimit dhe bërjes funksionale sa më shpejt të Gjykatës Kushtetuese dhe Gjykatës së Lartë. Kryetari i Kuvendit, z. Gramoz Ruçi, vuri në dukje se Kuvendi është maksimalisht i ngazhuar për suksesin e reformës në drejtësi, të reformës zgjedhore dhe realizimin e pritshmërive të qytetarëve shqiptarë, si kushte thelbësore për të nxitur e mbështetur progresin e Shqipërisë, konsolidimin e demokracisë dhe zhvillimin e vendit. /Ra.My. Fjala.al/
