Meghan Markle e ka turpëruar princin Harry duke shpallur lajmin e shtatzënisë së saj gjatë ceremonisë së dasmës së princeshës Eugenia, sipas një libri të ri që pritet të dalë në shitje së shpejti.
Dukesha e Sussex duket se ka shkelur çdo rregull, duke e njoftuar familjen mbretërore se është shtatzënë me fëmijën e saj të parë në tetor të 2018. Në fakt, ajo ishte dita e princeshës Eugenia dhe dasmës së saj në 12 tetor të atij viti në Kështjellën Winsdor por sipas librit “Royals at war” me autor Andy Tillett dhe Dylan Howard, vetë Eugenia dhe mamaja e saj Sarah Ferguson, janë xhindosur pasi lajmi nisi të qarkullojë në atë moment, madje brenda në kishë.
“Meghan vendosi që ai do të ishte momenti më i mirë për të njoftuar familjen mbretërore për shtatzëninë e saj, sapo futi këmbë në kishë” thonë autorët e librit. “Kjo ishte një gafë e madhe sociale nga ana e saj, pasi i vodhi momentin më të bukur në ditën më të bukur të jetës, princeshës Eugenia dhe nënës së saj Sarah” theksohet në libër.
Ish çifti mbretëror i ka mohuar këto akuza ndërsa Bazaar.com ka shkruar se familja është njohur me lajmin një ditë përpara dasmës. Por për familjen Ferguson, fakti që Meghan nxitoi të shpallë lajmin pikërisht në atë ditë, ishte zgjedhja më e keqe që mund të bënte dhe një ofendim për vetë princeshën që atë ditë martohej.
Zyrtarisht, lajmi i shtatzënisë së Meghan u publikua nga Pallati Kensington më 15 tetor 2018, pra 3 ditë pas dasmës./Re.Gu/Fjala.al
