Gjykata e Durrësit ka dënuar me 24 vite burg Arlind Ahmetin, i cili 15 vite më parë tentoi ti bëjë atentat ish kreut të bandës së Durrësit Lulëzim Berisha. Ajeti u gjykua me gjykim të shkurtuar dhe për këtë përfiton uljen me 1/3 e dënimit.
Kosovari ishte dënuar në mungesë me 20 vite burg nga ish Gjykata për Krime të Rënda, por pasi u arrestua dhe u ekstradua në Shqipëri për të vuajtur dënimin ai kërkoj rihapje të çështjes, kërkesë e cila u pranua nga gjykata.
Pas shqyrtimit të kësaj çështje togat e zeza e gjetën fajtor Ajetin i cili do të vuaj 16 vite burg, për shkak të gjykimit të shkurtuar.
“Më 30 gusht të 2005 Ahmet Ajeti dhe O. K., të porositur nga E. D., dhe A.C., kanë shkuar nga Tirana në Durrës për të vrarë Lul Berishën.
Para se të kryhej atentati në afërsi të lokalit ku ndodhej Berisha, Ahmet Ajeti është konfliktuar me disa persona të panjohur dhe në grindje e sipër ka nxjerrë pistoletën ku dhe është vetëplagosur.
Ajeti ishte shpallur në kërkim ndërkombëtar nga Interpol Tirana më 07.03.2016, pasi Gjykata e Shkallës së Parë për Krimet e Rënda, Tiranë, me vendimin nr. 01 datë 16.01.2012, e ka dënuar me 20 vjet burg për veprën penale “Vrasje me paramendim”, dhe “Armëmbajtje pa leje.”, thuhet në dosje./Bl.Ba/Fjala.al
