Kryeministri i vendit Edi Rama,në një deklaratë për shtyp ka reaguar lidhur me aktakuzat që janë ngritur nga Gjykata e Hagës për Thaçin dhe Veselin.
Qëndrimi i tij lidhur me këtë çështje e cila është bërë kryefjala e diskutimeve politike së fundmi ka qënë mbështetës dhe inkurajues duke I quajtur akuzat ndaj tyre të padrejta.
“Jam në Kosovë në funksion të nevojës kombëtare”-është shprehur Kryeministri.
Ndër të tjera nga aeroporti “Adem Jashari” në Prishtinë Rama ka thënë që aktakuza sabotoi procesin e paqes në Kosovë.
”Së pari, dëshiroj të bëj të qartë faktin se unë jam këtu në funksion të një nevoje kombëtare besoj për t’i dhënë mbështetjen të plotë Kosovës dhe të gjithë përfaqësuesve politikë të saj në kushtet kur e dinë të gjithë ka ndodhur diçka e rëndë dhe thellësisht e padrejtë.
Pothuajse për 2 dekada në Kosovë procesi i vënies së drejtësisë për krimet e luftës është konceptuar, është mbështetur dhe është zhvilluar si një proces i pandashëm nga nga procesi i shtetndërtimit, i pajtimit nëdretnik, integrimit europian, i dialogut dhe normalizimit të marrëdhënieve me Serbinë. në këtë formë është formuluar edhe në strategjinë e zgjerimit nga BE. Është krejt e kuptueshme që procesi i vështirë i pajtimit nuk është vetëm çështje e ballafaqimit me të kaluarën nëpërmjet drejtësisë, por edhe çështje e ndërtimit të së ardhmes nëpërmjet politikës. Dhe komunikata e ashtuquajtur, një fletërrufe, e ngjashme si dy pika uji me komunikata në thonjza publike përgjatë revolucionit kulturor kinez, një shfaqje që e kemi jetuar në diktaturën e Shqipërisë, është e pashembullt, dhe e kombinuar me momentin kur u publikua, përbën një arsye, pavarësisht nëse është e qëllimshëm apo i rastësishëm, për të thënë se historia e kësaj gjykate speciale të radhës nisi të shkruhet me një akt që abortoi një proces që lidhet me paqen politik, që lidhet me paqen.”- tha Rama./Ra.My. Fjala.al/
