Në rezidencën e ambasadores së SHBA-së Yuri Kim mësohet se kanë shkuar pasditen e kësaj të mërkure Kryeministri Edi Rama, Presidenti i vendit Ilir Meta, Kryetari i Kuvendit Gramoz Ruçi dhe Kryebashkiaku Erion Veliaj.
Si asnjë herë tjetër e gjithë politika është bërë bashkë me ftesë nga ambasadorja Yuri Kim. Krerët e politikës janë të shoqëruan në këtë festë nga bashkëshortet e tyre.
Burime për mediat bëjnë me dije se kjo ceremoni festive po zhvillohet për Ditën e Pavarësisë së SHBA-së, e cila është në 4 Korrik, ndërkohë që ende nuk dihen arsyet se përse janë mbledhur sot.
Gjithashtu mësohet se mbledhja po zhvillohet në ambient të hapur dhe me shumë pak të ftuar madje duke respektuar distancën dhe masat mbi pandeminë.
Bo.Ba/fjala.al
