Sot në orën 16:00 është mbyllur afati zyrtar për regjistrimin e kandidatëve për zgjedhjet në universitete.
Për rektor të universitetit të Tiranës janë regjistruar tre kandidatë: Artan Hoxha nga Fakulteti i Drejtësisë, Mimoza Hafizi nga Fakulteti i Shkencave të Natyrës dhe Kozeta Sevrani nga Fakulteti i Ekonomisë.
Ministria e Arsimit dhe Sporteve ka përcaktuar 30 korrikun si datën e mbajtjes së zgjedhjeve në universitet edhe pse duhet kujtuar se kjo datë ka marrë kundërshtime të shumta duke qenë se jemi në kohë pandemie dhe një pjesë e mirë e studentëve nuk janë ende në auditore.
