Këngëtarja shqiptare me famë botërore Dua Lipa ka qenë e ftuar në një nga emisionet më të ndjekur anë SHBA “The Tonight Show Starring Jimmy Fallon”.
Dua ka folur gjerë e gjatë edhe për Kosovën dhe për festivalet e organizuar aty. Fallon është befasuar që ajo, një vajzë dhe në moshë aq të re, ka përmendur këta artistë.
Dua tregoi se ajo tashmë ka filluar që me festivalin e organizuar nga ajo në Kosovë, ‘SunnyHill’, të i japë mundësinë të rinjve nga Kosova që të ndjekin artistët e tyre të preferuar ‘live’ në koncerte, pasi mundësitë e saj ishin vërtetë shumë të limituara.
E pyetur nga Fallon se cili ishte artisti i parë i famshëm që e ka ndjekur në një koncert, ajo e pranoi se në atë kohë po jetonte në Kosovë dhe aty nuk vinin shumë artistë të njohur botëror, ndërsa Kosova ishte e fiksuar me muzikën hip-hop, kështu që në moshën 13 vjeçare ajo ka shkuar për ta ndjekur Method Man në koncert, anëtarin e grupit ‘WuTang Clan’.
Më pas ishte radha për koncertin e 50 Cent dhe Dua i tregoi se si është bërë fansja më e madhe e tij derisa është përgatitur për atë koncert.
