Një grup privat në rrjetin social Facebook, ku kishte më shumë 11.000 mjekë, ka përjetuar adrenalinë duke u tallur në formën më të keqe të mundshme me pacientët e tyre. Mjekët përveçse kanë postuar foto të pacientëve pa pëlqimin e tyre i kanë bullizuar ata.
Komente të tipit “kur shoh gjokse të rënë, refuzoj konsultimin”, “e kishte mikroskopik”, “ishte vetëm 1.50 metra me taka dhe më vinte deri të mesi”, ishin bërë nga persona të cilët supozohen të jenë jo vetëm më intelektualë, por edhe më humanë se pjesa tjetër e njerëzve. Për ironi të fatit grupi në Facebook, është i quajtur “Divan des médecins”.
Postimet të shumta të tyre që tallen me fizikun e pacientëve dallohen për përmbajtje seksiste , raciste dhe homofobike. Përveç talljes, përmbajtja e caktuar do të përbënte një shkelje të konfidencialitetit mjekësor, por edhe të intimitetit mes pacientëve. Ajo që bie në sy është është veçanërisht rasti i një fëmije 7-vjeçar, i cili vuan nga një hemorragji në qiellzë, fotografia e të cilit ishte postuar në Facebook me komentin “Sindroma e fuqishme?”.
Ngjarja ka ndodhur në Francë dhe kjo është padyshim një shkelje shumë e rëndë e të drejtave të pacientëve./Fjala.al
