Ish lojtari i Barcelonës Neymar ka vendosur që e ardhmja e tij të jetë në “Parc des Princes”.
Sipas raportimeve të medies “ESPN”, braziliani pritet që të rinovojë kontratën me skuadrën e Paris Saint-German. Futbollisti duket se ka shkuar drejt këtij vendimi, pasi në skuadrën franceze ai shihet si një element thelbësor dhe ka rëndësi të madhe.
Ndërsa, një vendim për t’u rikthyer në Katalonjë nuk do ishte më i miri për lojtarin, pasi hija e yllit argjentinas Lionel Messi do ta pengonte që të shkëlqente.
Verën e kaluar, Barça tentoi ta rikthente atë sërish në “Camp Nou”, por nuk ra dakord me klubin e PSG-së.
Këtë herë është vetë sulmuesi ai që nuk dëshiron të shkojë në Spanjë, pasi është duke shijuar momentin te klubi ku është aktualisht./Fjala.al/
