Shpëtim Idrizi, Kryetari i Partisë për Drejtësi Integrim dhe Unitet mbajti një fjalim me rastin e 29-vjetorit të themelimit të ‘Shoqatës Çamëria’. Ai kujtoi të gjitha sakrificat që janë bërë për Çamërinë dhe premtoi se do të çojë deri në fund amanetin e të parëve.
“Do të çojmë në vend amanetin, kthimin në Çamëri. Ne do të kthejmë dinjitetin, për mijëra të dëbuar nga bandat e Napolon Zervës. Nuk mund të harrohet sakrifica e të gjitha figurave të shquara të Çamërisë, që kanë dhënë edhe jetën për vendin e tyre. Këtyre burrave dhe grave iu bashkuan shumë vetë, duke krijuar Shoqatën e Çamërisë. Duhet vendosur drejtësi për të dëbuarit. Dënimi i krimeve kundër njerëzimit vetëm vendos drejtësi. Tragjedia e çamëve mbetet ende e pazbuluar.”, u shpreh kryetari i PDIU.
Më tej Idrizi shtoi se në planet e tij dhe maxhorancës aktuale kanë qenë dhe dënimi i personave që kanë kryer krime në Çamëri, por Kryeministri nuk kishte mjaftueshëm vullnet për të çuar deri në fund planin.
“Deputetët e PDIU, në bashkëpunim me maxhorancën Rilindase ngritën një Komision, për të dënuar krimet që janë bërë mbi çamët në Çamëri. Por nuk kishte vullnet dhe kryeministri më tha që nuk e bëjmë dot. Çamëria do të hiqej edhe nga programi i qeverisë shqiptare. Deputetët çamë u rrahën dhe u gjakosën në duart e parlamentit të Shqipërisë”, deklaroi Idrizi./Fjala.al
