Sot 100 vjet më parë u mbajt Kongresi i Lushnje. Në ceremoninë zyrtare ndodhej edhe kreu i Parlamentit Gramoz Ruçi, i cili u shprehu nderimi ne tij për një ngjarje nga e cila që sipas tij “mori jetë parlamentarizmi shqiptar”.
Ruçi shtoi se “ shteti i shqiptarëve deri në shpalljen e Pavarësisë kishte qenë një planet i largët për shqiptarët, por edhe pas shpalljes shteti ynë rrezikonte të zhdukej. Ky rrezik u shmang nga trimëria dhe zgjuarsia e atyre atdhetarëve që mblodhën Kongresin në këtë shtëpi, ashtu si dhe nga ndërhyrja e presidentit amerikan Wilson, që ndali dorën e fuqive të mëdha europiane. Nga ky Kongres nisi diplomacia shqiptare në mbrojtje të integritetit të vendit, nisi ndërtimi i administratës shqiptare, i shkollave dhe forcave të rendit”.
Në gjithë vendin janë planifikuar një serë aktivitetesh të tjera sikurse është mbajtja e një konference shkencore dhe një ekzpozite në Pallatin e Kongreseve, kushtuar 100 vjetorit te kongresit dhe rrugëtimit të Parlamentit shqiptar. Në lidhje me këtë datë parlamentarë dhe ish-parlamentarë janë thirrur sot në shtëpinë ku u mbajt Kongresi që vuri themelet e shtetit shqiptar. /Fjala.al
