Sot jetojmë në botën e makeup-it dhe revolucionit të kozmetikës. Nëse I mbajmë produktet kozmetike për një kohë të gjatë rrezikohemi na një sërë sëmundjesh të ndryshme.
Produktet kozmetike duhet të ruhen në vende të freskëta dhe të thata pasi nxehtësia dhe lagështira favorizojnë shfaqjen e mikrobeve.
Lani mirë duart para se të prekni produktet kozmetike dhe pastroni rregullisht aksesorët tuaj të makijazhit. Së fundi, shmangni dhënien hua dikujt të produkteve të kozmetikës (sidomos të kuqin e buzëve).
I kuqi i buzëve mund të jetë përgjegjës për një sërë sëmundjesh të ndryshme të lëkurës dhe nuk duhet të ruhet për më shumë se një vit.
Rimeli ka një kohëzgjatje të shkurtër, nga 3-4 muaj. Nëse e përdorim për një kohë më të gjatë rrezikojmë që bakteret të na shkaktojnë probleme tek sytë.
Peneli ruhet maksimumi 6 muaj ndërsa lapsat e buzëve deri në 2 vjet.
Fondatinat zakonisht rezistojnë deri ne 6 muaj, por edhe kjo varet nga përbërja. Produktet bio dhe hipoalergjike janë më të mira, por kanë më pak konservues dhe kohëzgjatja është më e shkurtër. Duhet ta keni parasysh se fondatinat e lëngshme rezistojnë më pak se ato kompaktet. Pudrat e ndryshme, ruzhin, mund t’i mbani nga 9 muaj deri në 2 vjet.
Por nëse produktet mbahen në një temperaturë mbi 29 gradë Celsius do të prishen më shpejt.
Për t’u mbrojtur nga bakteret duhet të pastrojmë mirë furçat. Në te vërtetë ne nuk i pastrojmë shpesh furçat me të cilat bëjmë makijazhin. Në te vërtetë ne nuk i pastrojmë shpesh furçat me të cilat bëjmë makijazhin. Në fakt ato janë plot e përplot me baktere dhe irritojnë lëkurën tone. Një herë në javë duhet t’i lani ato dhe një herë në muaj duhet t’i ndërron.
