Agjenti i sulmuesit me origjinë shqiptare Vedat Muriqit ka folur në lidhje me ofertat e marra për sulmuesin nga skuadrat e Tottenham, Manchester United dhe Burnley.
Mediet turke raportojnë se ofertat e tre klubeve angleze janë refuzuar nga lojtari i Fenerbahces. Klubi turk është i interesuar për këto oferta, por vetëm gjatë merkatos së verës.
Agjenti i lojtarit me origjinë nga Prizëreni, Haluk Canatar ka thënë se nuk është fare në konsideratë për transferim në janar,por që ofertat janë shumë të pëlqyera.
“Muriqi ka një marrëveshje 4-vjeçare me Fenerbahcen. Sigurisht që jemi të kënaqur që disa nga klubet më të mira në Evropë janë të interesuar për Muriqin dhe e ndjekin atë. Por, ne nuk po konsiderojmë një transferim në janar dhe ka shanse 0% që ai të largohet”. Ne jemi kontaktuar nga klubet e interesuara, por unë i kam diskutuar këto çështje me Damien Comolli (ish-drejtor sportiv) dhe tani me Selahattin Baki”-tha agjenti i sulmuesit.
Muriqi ka shënuar 12 gola dhe dhënë 4 asistime në 17 ndeshje të Superligës së Turqisë të këtij sezoni deri më tani./Fjala.al/
