Presidenti i Parlamentit Evropian, David Sassoli do të vijojë sot me axhendën politike për të takuar drejtuesit e opozitës.
Në orën 10:45 Sassoli do të takohet në selinë blu me kryetarin e Partisë Demokratike Lulzim Basha, dhe kryetaren e Lëvizjes Socialiste për Integrim, Monika Kryemadhi.
Ditën e djeshme Sassoli takoi Presidentin Ilir Meta, kryeministrin Edi Rama, kryetarin e Kuvendit Gramoz Ruçi dhe kryetarët e grupeve Parlamentare, teksa mbajti edhe një fjalim përpara deputetëve.
Ashtu si në takimet e djeshme, çështja e negociatave të Shqipërisë me Bashkimin Evropian do të jetë tema e bisedimeve me drejtuesit e opozitës me shpresën se në mars do të ketë një dritë jeshile pas refuzimit vitin e kaluar.
