Mjeku infeksionit Pëllumb Pipero, ka bërë një panoramë të qartë, të situatës lidhur me koronavirusin. Ai ka sqaruar se është lehtësisht e dallueshme për të kuptuar se kur një person është i prekur nga koronavirusi, pavarësisht nëse i ka dhënë shenjat ose jo dhe për këtë arsye askush nuk duhet të shqetësohet.
Ai bëri me dije se Shqipëria e ka një kapacitet te tillë, teksa ka shpjeguar edhe periudhën 14 ditore e të qëndruarit në karantinë, pse është e nevojshme si masë parandaluese.
“Nga studimet është konfirmuar që periudha e inkubacionit zgjat nga 2-12 ditë e gjysmë. Nëse dikush ka pasur kontakt me një të sëmurë, vjen nga Kina dhe brenda 14 ditësh nuk shfaq shenja, atëherë nuk është i sëmurë. Por metodat shkencore mund ta konfirmojnë virusin të infektuar, pa shfaqur shenjat e sëmundjet mund të identifikojmë. Kjo na bën optimist. Kemi të gjitha mundësitë që nëse e ka virusin prezent ta dallojnë që në kontaktin e parë“, u shpreh Pipero në studion e Report Tv.
Referuar shifrave zyrtare, 80% e viktimave janë mbi moshën 55-60 vjeç, një tregues ky sipas Piperos, se virusi është më agresiv tek persona me imunitet të dobët.
Por mjeku infeksionist tha se “virusit” i kanë mbetur shumë pak kohë për të vepruar. Në analizën e tij, një virus që të përhapet ka nevojë për temperatura të ulëta dhe tashmë që dita po i merr më shumë kohë natës dhe përpara është pranvera, gjasat janë të shumta që ky virus të zhduket…
