Një çift nga Singapori, Joseph Yew dhe Kang Ting, u rikthyen nga një udhëtim në Kinë, pak ditë para martesës së tyre.
Çifti kishte shkuar më 24 janar, për të festuar vitin e ri kinez me familjen e vajzës në provincën Hunan, Kinë.Provinca ndodhet shumë afër Hubei, epiqendra ku mendohet se shpërtheu virusi.
Ata u kthyen më 30 janar në Singapor për të festuar dasmën me familjen dhe miqtë.
Por të gjithë të ftuarit shprehën shqetësim për të marrë pjesë në martesën e çiftit, ndaj ata gjetën një zgjidhje.
Vetë çifti nuk mori pjesë në dasmë, përmes një komunikimi me video ata përshëndetën të ftuarit dhe mbajtën fjalimin.
Coronavirusi u ka marrë jetën rreth 560 personave në Kinë dhe është përhapur në rreth 25 shtete të tjera në botë.
Singapori ka konfirmuar 28 raste të prekur nga coronavirusi, duke u bërë shteti me më shumë raste infektimi pas Kinës dhe Japonisë./Fjala.al
