Në orën 18:00 do të fillojë java e 21-të e Kategorisë Superiore, ku startimi do jetë me ndeshjen klasike të futbollit shqiptar Vllaznia-Tirana.
Disa minuta na ndajnë nga takimi që do zhvillohet në stadiumin “Loro Boriçi” dhe duket se tashmë trajnerët e të dyja skuadrave kanë vendosur se si do të luajnë.
Ekipi i Emanuel Egbos ndodhet në një nga momentet më të mira të tij, duke ardhur në këtë takim pas plot 6 fitoreve radhazi, e duke u renditur të dytët në kategori me vetëm një pikë më pak se Kukësi i vendit të parë.
Ndërsa, Vllaznia nga ana tjetër nuk mund të thuhet se ndodhet në momente të lakmueshme. Skuadra e Mirsad Jonuzit rendite e shtata dhe ndeshjen e kaluar, ku përball kishin Bylisin, e patën shumë të vështirë të mbanin barazimin 0-0.
E ndërsa tashmë janë bërë publike formacionet e takimit që gjithmonë tërheq vëmendjen e tifozëve të futbollit në Shqipëri, duket se Egbo ka në dispozicion të gjithë forcën për të marrë fitoren e shtatë.
Megjithatë surpriza ka gjithmonë, ndaj për të mësuar rezultatet duhet të presim deri në përfundimin e këtij takimi.
Formacionet zyrtare:
Vllaznia: Sherri, Gligorov, Adili, Malota, Marku, Gurishta, Ramadani, Hygor, Lika, Shtubina, Silvio Junior.
Trajner: Mirsad Jonuz
Tirana: Lika, Doka, Muça, Vangjeli, Hoxhallari, Batha, Çelhaka, Torasa, Kobina, Kale, Ngoo.
Trajner: Emanuel Egbo./Fjala.al/
