Policia greke ka plagosur dy shqiptarë në në Korinth. Mediat greke shkruajnë se ka pasur shkëmbim zjarri mes policisë së tyre dhe 3 shtetasve shqiptarë.
Efektivët grekë po vëzhgonin prej kohësh një automjet të dyshimtë që mendohej se kishte lidhje me disa vjedhje në zonë. Sapo e ka pikasur atë dhe është vënë në ndjekje, nga mjeti është hapur zjarr.
Gjatë shkëmbimit të zjarrit janë plagosur 2 prej grabitësve, shtetas shqiptarë, ndërkohë që është arrestuar i treti.
Një prej të plagosurve është duke marrë mjekim në spitalin e Thriasios ndërsa tjetri në atë të Korinthit.
Dy të plagosurit kanë marrë plagë në këmbë, por nuk ka më shumë informacion mbi gjendjen e tyre shëndetësore. /Fjala.al