Ndonëse janë përzgjedhur vetëm tre këngë për Eurovision 2020, faqja ‘Wiwibloggs’ ka hapur një sondazh për lexuesit e saj. Ndjekësit e Eurovision janë pyetur se cila nga tre këngët fituese në shtetet respektive, Shqipëri, Spanjë dhe Çeki, është e preferuara e tyre e momentit.
Me një diferencë të theksuar votash, “Shaj” e Arilena Arës është përzgjedhur si kënga më e mirë deri më tani.
7,604 njerëz kanë marrë pjesë në sondazh dhe 60.53% e tyre kanë votuar Shqipërinë, 29.52% Spanjën dhe 9.94% Çekinë.
Duhet thënë se është ende shumë herët për të përcaktuar nëse “Shaj” e Arilenës do të jetë një prej të preferuarat e Europës në festivalin e Roterdamit, duke qenë se numri i konkurrentëve pritet të jetë mbi 35.
Gjithsesi, versioni përfundimtar i “Shaj” nuk është publikuar ende dhe këngëtarja shqiptare ka mundësi të përmirësojë këngën edhe më tej për të mbetur në krye të preferencës së publikut.
