Konferencës së Donatorëve të organizuar sot në Bruksel për dëmet e shkaktuara në Shqipëri nga tërmeti i 26 nëntorit, iu bashkuan shumë shtete dhe organizata. Përveç shteteve evropiane, për vendin tonë dhuruan ndihmë financiare edhe disa shtete të largëta gjeografikisht.
Brunei ishte një prej tyre. Shteti i Azisë Juglindore dhuroi një shifër prej 50 mijë euro në ndihmë të Shqipërisë.
Koreja e Jugut mori gjithashtu pjesë në konferencë, duke dhuruar 300 mijë dollarë, ndërsa Japonia kontribuoi me 2.5 milionë euro.
Shtetet e Bashkuara të Amerikës dhanë një kontribut për vendin tonë në shifrën e 3.9 milionë dollarëve.
Në total u mblodhën 1.15 miliard dollarë.
Lista me shtetet kontribuuese jo-evropiane
Emiratet e Bashkuara Arabe: 70 milionë euro
Katari: 5 milionë dollarë
SHBA: 3.9 milionë dollarë
Japonia: 2.5 milionë euro
Azerbajxhani: 1 milion euro
Koreja e Jugut: 300 mijë dollarë
Algjeria: 50 mijë euro
Brunei: 50 mijë euro
