Avioni malazez MH370 i cili u zhduk gjashtë vite më parë më 8 mars, vazhdon të mbetet një nga misteret e botës. Në bord ndodheshin 239 pasagjerë dhe anëtarë ekuipazhi. Avioni u zhduk gjatë rrugës nga Kuala Lampur për në Pekin.
Ish-kryeministri Najib Razak deklaroi këtë të mërkurë se nuk duhet hedhur poshtë mundësia se avioni mund të jetë rrëzuar nga piloti kamikazë.
Deklarata e ish-kryeministrit malazez erdhi pasi foli ish-kryeministri australian Tony Abbott tha se liderët e Malajzisë e kishin kuptuar që në fillim se piloti Zaharia Ahmad Shah kishte kryer një vrasje masive.
Najib tha për dokumentarin e Sky News se zyrtarët e vendit të tij e kishin menduar një skenar të tillë gjatë hetimeve, por që vendosën mos t’i bënin publike qëndrimet e tyre.
“Do të konsiderohej e padrejtë dhe e papërgjegjshme, pasi kutitë e zeza dhe audio incizimet nga kabina e pilotit nuk janë gjetur, dhe bazuar në këtë nuk ka pasur kurrfarë dëshmi4 nëse ka qenë përgjegjësi e pilotit apo diçka tjetër. Sërish më duhet ta theksoj se ky skenar i mundshëm asnjëherë nuk është hedhur poshtë gjatë hetimeve”, ka deklaruar Najib./Fjala.al
