“Koha për ta çuar në fund amanetin”, Hajdari njofton lëvizjen e re politike?

113 563 lexime

124,178FansaPëlqeje

Në 29 vjetorin e rrëzimit të shtatores së diktatorit Enver Hoxha, deputetja Rudina Hajdari ka dhënë një mesazh të fortë. Hajdari thekson se ka ardhur koha të shkëputemi nga e shkuara, jo vetëm me fjalë por me vepra.

Deputetja flet edhe për një amanet që duhet të realizohet, çka lë të hapur mundësinë e krijimit të një force të re politike.

“Ka ardhur koha për ta çuar amanetin e atyre që dhanë jetën për demokraci deri në fund”, shprehet Hajdari në videomesazhin drejtuar qytetarëve.

Sipas Hajdarit, 29 vite pas rrëzimit të komunizmit, shqiptarët kanë dështuar në dy aspirata, ndërtimin e demokracisë funksionale dhe ndëshkimin e përgjegjësve të krimeve të komunizmit.

Reagimi i plotë

29 vite më parë të drejtuar e frymëzuar nga lëvizja studentore, qytetarët shqiptarë rrëzuan një nga regjimet më të egra diktatoriale në botë.

Kjo është një ditë e cila duhet të mbetet e lartësuar në memorien e gjithsecilit prej nesh, por edhe e gdhendur në historinë e popullit shqiptar.

Një ditë që na tregon fuqinë e bashkimit mbi përçarjen, forcën e popullit mbi diktatorët, forcën e ideve mbi dhunën e terrorin.

Fatkeqësisht, 29 vite më vonë, edhe pse kemi bërë shumë progres, kemi dështuar në dy nga aspiratat e 20 shkurtit 1991.

Kemi dështuar në ndërtimin e një demokracie funksionale duke vazhduar të operojmë me një mentalitet drejtues gati diktatorial, i cili pasqyrohet që nga mënyra se si drejtohen partitë politike me grusht të hekurt nga kryetarët e deri te format aspak demokratike të qeverisjeve. Për këtë arsye unë kam luftuar, po luftoj dhe do luftoj pa kompromis për të demokratizuar vendin. Një nga mjetet për ta realizuar këtë është padyshim ndryshimi i sistemit zgjedhor, duke ia dhënë fuqinë që sot kanë kryetarët, qytetarëve.

Lexo edhe :  “Kur flet Vokshi, injoranca çohet nga varri!”/ Balla ironizon opozitën: Këtu jemi ne..

Së dyti, kemi dështuar të bëjmë një bilanc të plotë të asaj që ndodhi gjatë diktaturës dhe të ndëshkojmë përgjegjësit.

Ende sot, ish drejtues apo bashkëpunëtorë të rrezikshëm të regjimit e sigurimit vazhdojnë të jenë pjesë e vendimarrjes, duke minuar demokracinë.

Jam krenare që sot i kam propozuar Kuvendit dhe Këshillit Politik një projektligj, i cili detyron çdo kandidat të provojë se nuk ka qenë bashkëpunëtor i sigurimit të shtetit dhe nuk ka gisht në torturimin, internimin apo vrasjen e dhjetëra mijëra shqiptarëve gjatë diktaturës, para se të konfirmohet si kandidaturë e zgjedhshme në çfarëdo posti publik.

Ka ardhur koha të shkëputemi nga e shkuara, jo vetëm me fjalë por me vepra.

Ka ardhur koha për ta çuar amanetin e atyre që dhanë jetën për demokraci deri në fund.

Të fundit

Interi është fitues i derbit të Milanos, goli i Lautaro Martinez vulos sfidën

Stadiumi “San Siro” në “flakë” pak pasi kishte kaluar gjysmë ore lojë në derbin Inter – Milan. Zikaltrit fituan...

Diskutimi mes Geasy dhe Luana Vjollcës: Do hap shampanjë kur të martohesh ti

“Zemër Luana” me autorësi dhe moderim të Luana Vjollcës në Tv Klan ka qenë një mbrëmje e tej mbushur me surpriza! Të ftuarit e kësaj...

Zhdukja e bletëve, kërcënim serioz për ekosistemin

Bashkimi Evropian ka bërë të ditur se është në përgatitje e sipër të një plani që ka të bëjë me rritjen e monitorimit të...

“Je ulli pa kokrra”, zihen dy kunatat: Je hasmi numër një, më ke ftohur zemrën

Pjesa e dytë e “Shihemi në Gjyq”, rubrikës së “E diela shqiptare” në Tv Klan ka nisur me tone të ashpra mes Marias dhe...

Ish-kryeministri izraelit: Putini premtoi se nuk do ta vriste Zelensky-in

Ish-Kryeministri i Izraelit Naftali Bennet, i cili shërbeu për pak kohë si ndërmjetës në fillim të sulmit rus në Ukrainë, thotë se Presidenti Vladimir...

Lajme të tjera

Web TV