Aktori britanik Jeremy Irons gjatë hapjes së Festivalit të Filmit, Berlinale, tha se ai mbështet ligjet e ndërprerjes vullnetare të shtatzënisë dhe martesave gay.
Ai tha se dëshironte të “sqaronte një herë e përgjithmonë” qëndrimin e tij për këto çështje pasi mendimet e tij të mëparshme provokuan kritikë dhe polemikë të fortë.
Duke pasur parasysh deklaratat e tij të mëparshme në lidhje me “mëkatin” e abortit, aktori tha se ai tashmë kishte ndërruar mendim dhe se me gjithë zemër mbështet të drejtën e grave për të përfunduar shtatzëninë nëse ato vendosin kështu.
Me këtë deklaratë, Irons padyshim u përpoq të parandalojë polemikat e krijuara me këtë çështje./Fjala.al
