Kamerat e trupit të policëve kanë kapur pamje tronditëse teksa vrasësi pyet ata për t’u siguruar nëse viktima kishte vdekur apo jo.
Pamjet janë regjistruar gjatë momentit të arrestimit të vrasësit që goditi me thikë pronarin e një pub-i, në Liverpool.
Christian Thornton, babai i tre fëmijëve u godit me thikë nga Lee Abbott, pasi ai e ndaloi atë të hynte në pub.
Lee Abbott e sulmoi pronarin e pub-it me një thikë të madhe kuzhine, duke i shkaktuar atij 11-plagë përfshirë një në zemër e cila ishte fatale.
Pas sulmit të tmerrshëm, vrasësi u largua nga vendngjarja dhe shkoi në shtëpinë e një miku, ku lau rrobat me gjak dhe i vuri në një ngrohëse për t’i tharë. Por pak më shumë se një orë pas vrasjes, pasditen e 11 gushtit të kaluar, policia e armatosur bastisi banesën dhe e arrestoi atë.
Pamjet tronditëse tregojnë Abbott pasi del nga shtëpia i prangosur dhe pasi konfirmon emrin e tij ai pranoi dhe krimin që kishte kryer.
“A ka vdekur ai? Do t’ju them të vërtetën, po unë e vrava atë”.
Kur policia i thotë pse po arrestohet, vrasësi përgjigjet: “Nuk ke nevojë për ndonjë provë, unë e godita me thikë”./Fjala.al
