Menaxheri shqiptar i yjeve të futbollit siç janë Kalidou Koulibaly, Miralem Pjanic, Cengiz Under, Valon Behrami, Ante Rebic, Jerome Boateng, Samir Handanovic e të tjerë, Fali Ramadani është në probleme të mëdha nga Gjykata Kombëtare Spanjolle.
Ramadani po hetohet për pjesëmarrje në një skemë për pastrim parash në Mallorca të Spanjës raporton gazeta spanjolle “Ultima Hora”. Në këtë shkrim njoftohet për operacionin e ekipit kundër krimit të organizuar dhe grupit të hetimit financiar.
Shqiptari akuzohet për pastrim parash, ndërsa brenda disa ditësh duhet të udhëtojë drejt Madridit Gjykatën Kombëtare si një person i hetuar, kanë thënë burimet nga gjykata.
Nga Gjykata Kombëtare Spanjolle për të njëjtin rast po hetohen edhe biznesmenë e futbollistë të tjerë.
Të dyshuarit në fjalë ndodhen kryesisht jashtë Spanjës, por që raportohet se kanë zhvilluar biznes me kompani të njohura në Mallorca. Ndërsa menaxheri shqiptar Fali Ramadani është njëri nga më të fuqishmit në botën e futbollit./Fjala.al/
