Kryeministri Edi Rama do të takohet ditën e sotme me shefin e diplomacisë ruse, Sergei Lavrov.
Kryeministri shqiptar i cili ndodhet në Rusi për një vizitë zyrtare në cilësinë e kreut të OSBE për vitin 2020, do takohet sot me krerët e niveleve të larta mes tyre edhe me ministrin e Jashtëm, Sergei Lavrov
Në këtë takim pritet të diskutohet për konfliktin me Ukrainën. Gjithashtu, Rama dhe Lavrov do të flasin edhe për marrëdhëniet bilaterale mes Tiranës dhe Moskës, si dhe për planin e OSBE-së për 2020.
Megjithatë, Edi Rama nuk do të ketë mundësinë të takohet me presidentin rus, Vladimir Putin.
Rama në drejtimin e OSBE-së ka kërkuar angazhimin e të gjitha shteteve për të vendosur paqen në zonën e konfliktit në Ukrainë.
Rama është kryeministri i dytë që viziton Moskën, pasi në vitin 1995 ka qenë Aleksandër Meksi, i cili është pritur nga Kryeministri rus i asaj kohe.
